Lavdërimi i takon Allahut, Zotit të botëve, lavdi dhe shpëtimi i Allahut qoftë mbi të Dërguarin e Tij besnik, familjen dhe të gjithë shokët e tij
Dhe më pas:
Me të vërtetë disa muslimanë, Allahu na udhëzoftë neve dhe ata, ndodhin prej tyre gjëra që e kundërshtojnë plotësimin e Teuhidit apo bazën e tij, për shkak të pranisë së kësaj epidemie, e cila ka tmerruar shumë prej njerëzve, aq sa i ka bërë ata që të mbështeten te disa gjëra të cilat e dëmtojnë Teuhidin e tyre pa e ndjerë.
Do të përmend diçka prej tyre në mënyrë të përmbledhur dhe si paralajmërim, lus Allahun që të më bëj dobi mua me të dhe çdokujt që e lexon.
1- Ndjekja e lajmeve të fallxhorëve dhe astrologëve të cilët pretendojnë se dinë të fshehtën, ndjekja e asaj që thonë ata rreth kësaj epidemie dhe kjo mjerisht është e pranishme dhe përhapin atë disa gazeta elektronike dhe jo vetëm. Dhe kjo futet te Hadithi i Profetit ﷺ:
Kush shkon te falltari dhe i beson asaj që ai thotë, e ka mohuar atë që i zbriti Muhamedit ﷺ.
2- Lidhja e ngjarjeve me jobesimtarët se çdo gjë që ndodh është organizuar nga ata, sikur jobesimtarët kanë mundësi të drejtojnë botën ashtu siç duan ata dhe kjo nuk është e vërtetë, porse çdo gjë që ndodh është me kadanë dhe kaderin e Allahut të Lartësuar. Nuk ka dyshim se jobesimtarët e dëshirojnë atë dhe rendin drejt saj, mirëpo kjo nuk do të thotë se ata kanë fuqi të bëjnë gjithçka që dëshirojnë, ashtu siç ka thënë Allahu i Lartësuar:
{Kurdo që ata ndezin zjarrin e luftës, Allahu e shuan atë. Ata përpiqen të shkaktojnë ngatërresa në Tokë, por Allahu nuk i do ngatërrestarët.}1 [المائدة: ٦٤]
Allahu i Lartësuar ua mundësoi ndezjen e zjarrit dhe Ai e shuan atë me Lejen e Tij -subhanehu-.
3- Pretendimi i disave se jobesimtarët kanë qenë në dijeni të këtyre ngjarjeve dhe të kësaj epidemie me përhapjen e librave dhe filmave që kanë folur rreth kësaj epidemie etj dhe kjo është pretendim i njohjes së të fshehtës.
4- Mbështetja te shkaqet edhe nëse janë të dobishme dhe lënia e mbështetjes tek Allahu –subhanehu ue te’ala– dhe kjo është shirk, sepse mbështetja te shkaqet pa mbështetjen tek Allahu është shirk. Po ashtu mbështetja tek Allahu dhe lënia e shkaqeve është në kundërshtim me fenë, duhet patjetër bërja e shkaqeve të ligjësuara bashkë me mbështetjen tek Allahu.
5- Bërja shkak e asaj që nuk është shkak për largimin e kësaj epidemie, siç është varja e disa gjërave për të cilat nuk dihet dobia e tyre as nga ana sheriatike dhe as nga ana mjekësore, në shtëpi ose brenda nëpër dhoma apo te fëmijët ose vendosja e dëgjimit të Kur’anit në shtëpi etj.
6- Mohimi i plotë se kjo epidemi ka ndodhur për shkak të asaj që kanë vepruar njerëzit prej shkatërrimit në tokë dhe Allahu -azze ue xhel’le- thotë:
{Shkatërrimi në tokë dhe në det është shfaqur si pasojë e punëve të këqija të njerëzve, kështu që (Allahu) do t’i bëjë “të shijojnë” pjesë nga ajo që kanë punuar, me qëllim që ata të kthehen.}2[الروم: ٤١]
7- Lidhja e fortë e njerëzve me dunjanë dhe frika e tyre e madhe nga epidemia, sikur kjo epidemi është e aftë vetë që t’i rrëmbejë ata nga para e nga pas dhe kanë harruar se Allahu është Ai që i merr shpirtrat e tyre, pa këtë epidemi, kur ata janë me shëndet të plotë.
8- Ankimi prej kësaj gjendjeje për shkak të kësaj epidemie dhe mungesa e durimit ndaj fatkeqësisë.
9- Frikësimi i njerëzve me përhapjen e lajmeve të rreme në mesin e tyre, ku në mes këtyre lajmeve mund të ketë gënjeshtra ndaj Allahut, të Dërguarit të Tij ﷺ dhe ndaj robërve të Allahut besimtarë.
10- Tallja me këtë epidemi, në vend të lutjes me përulje dhe kthimit tek Allahu për largimin e kësaj epidemie, për të cilën lus Allahun e Lartësuar që ta largojë nga vendi dhe nga robërit, me të vërtetë Ai është Dëgjuesi që i përgjigjet lutjes.
