Ka thënë el-Al’lameh Abdul-Aziz bnu Baaz -rahimehullah-:
Për Natën e Kadrit na ka treguar Pejgamberi –sal’lAllahu alejhi ue sel’lem– se ajo është në dhjetë netët e fundit të Ramazanit, dhe ai –alejhis salatu ues selaam– se ajo bie në netët teke kush qëndron duke u falur në të gjitha ato netë e ka arritur Natën e Kadrit.
Është vërtetuar nga Pejgamberi –sal’lAllahu alejhi ue sel’lem– se ka thënë:
“Kush qëndron duke u falur natën e Kadrit me besim dhe duke shpresuar shpërblimin do t’i falen atij gjynahet e kaluara.”
Kuptimi i tij është: se kush ngrihet duke u falur dhe kryen edhe llojet e tjera të adhurimit, prej leximit, lutjes, lëmoshës dhe jo vetëm… me besimin se Allahu e ka ligjëruar atë dhe duke shpresuar shpërblimin prej Tij, jo sa për sy e faqe dhe as për ndonjë qëllim tjetër prej qëllimeve të dynjasë Allahu do ia fal gjynahet e kaluara.
Dhe kjo tek shumica e dijetarëve vlen për gjynahet e vogla duke shmangur ato të mëdhatë, për shkak të fjalës së Pejgamberit –sal’lAllahu alejhi ue sel’lem–:
“Pesë namazet, nga Xhumaja deri Xhuma dhe nga Ramazani deri në Ramazan janë shlyerje gjynahesh ndërmjet tyre nëse shmang gjynahet e mëdha.”1[E transmeton el-Imam Muslim në Sahihun e tij.]
Lusim Allahun që t’u japë sukses Muslimanëve në çdo vend që ta arrijnë atë duke besuar dhe duke kërkuar shpërblimin, me të vërtetë Ai është Bujar i Madh.
