Pyetje: Pas kësaj të kalojmë tek mesazhi i pyetësit Emin nga Jemeni, i cili thotë: “Po pyes rreth veshjes së çallmës, a është ajo prej sunneteve të forta?”
Përgjigje: Veshja e çallmës nuk është as prej sunneteve të forta dhe as prej atyre jo të forta, sepse i Dërguari i Allahut ﷺ e vishte atë duke ndjekur zakonin që kishin njerëzit në atë kohë, për këtë arsye nuk ka ardhur asnjë shkronjë e vetme nga sunneti që të urdhërojë për veshjen e saj. Ajo është prej çështjeve zakonore që nëse njerëzit e kanë bërë zakon ta veshin edhe njeriu e vesh që të mos dalë kundër zakoneve të njerëzve dhe me veshjen e tij të veçohet nga të tjerët. Nëse njerëzit nuk e kanë zakon veshjen e saj as ai të mos e vesh.
Kjo është fjala më e saktë në lidhje me çallmën.
