Prej bidateve të shpikura në muajin Muharrem është ajo që veprojnë rafidat prej organizimit të ceremonive përkujtimore duke goditur trupat në shenjë pikëllimi për vrasjen e Husejn ibnu Ali -radij Allahu anhuma-.
Disa prej Ehlus–Sunnetit i ndjekin këto ngjarje përmes mediave, si spektakël dhe për të marrë vesh se çfarë bëhet, mirëpo në këtë gjë ka një rrezik të madh, këto mbledhje shoqërohen me lëshimin e fjalëve të mbushura me dedikimin e adhurimit të tjerëve veç Allahut, siç është lutja dhe kërkimi i ndihmës, si dhe janë të mbushura me gënjeshtra ndaj Allahut dhe të Dërguarit të Tij ﷺ, shokëve të tij dhe familjes së tij dhe ai që nuk e dallon të vërtetën nga e kota, të sinqertën nga gënjeshtra mund të mashtrohet nga ajo që dëgjon dhe futet në zemrën e tij dashuria për bidatin dhe mohimi i tij (ndaj bidatit) shndërrohet në pranim, Allahu na ruajttë!
Allahu i Lartësuar në lidhje me cilësinë e robërve të Gjithëmëshirshmit ka thënë:
{Edhe ata që nuk dëshmojnë rrejshëm kur kalojnë pranë kotësive}1[Surah el-Furkan (25):72]
Dmth: nuk prezantojnë ndenjat e gënjeshtrës, të kotës dhe gjynaheve.
Ka thënë Profeti ﷺ:
“Kur t’i shohësh ata të cilët ndjekin atë që është e paqartë prej tij, ata janë të cilët Allahu i ka emërtuar (në Kur’an) ndaj ki kujdes nga ata.”
Allahu më ndihmoftë mua dhe juve nga errësirërat e fitneve.
